Menningarráð Eyþings auglýsir til umsóknar verkefnastyrki til menningarstarfs á Norðausturlandi

Menningarráð Eyþings auglýsir eftir umsóknum um styrki á grundvelli samnings mennta- og menningarmálaráðuneytis og iðnaðarráðuneytis við Eyþing. Tilgangur styrkjanna er að efla menningarstarfsemi og menningartengda ferðaþjónustu á Norðausturlandi.

Áherslur ársins 2014

•    Verkefni sem hvetja til samstarfs einstaklinga, hópa, byggðarlaga eða listgreina. Sérstaklega  er horft til verkefna sem   eru samstarf þriggja eða fleiri aðila og tengja íbúa á Norðurlandi eystra
•    Verkefni sem  stuðla að samvinnu atvinnumanna í  listum, listnema, og leikmanna
•    Verkefni sem efla atvinnustarfsemi á sviði menningar,  lista og menningartengdrar ferðaþjónustu/ferðaþjónustutengdrar menningar
•    Verkefni sem fela í sér listsköpun fólks á aldrinum 18-25 ára
•    Verkefni eða aðilar sem ekki hafa fengið stuðning menningarráðs áður
•    Verkefni sem fela í sér samstarf við önnur lönd á sviðið menningar og lista

Umsóknarfrestur er til og með 12. desember 2013.

Úthlutun fer fram í febrúar meðfyrirvara um samþykki alþingis.

Styrkþegar verða að hafa skilað inn greinargerð vegna fyrri verkefna til þess að geta sótt um vegna ársins 2014. Ein úthlutun verður á árinu 2014.

Verkefnum sem hljóta styrki þarf að vera lokið fyrir árslok 2014.

Frestun á sýningaropnunum í Safnahúsinu

Lyftan góða sem koma á í Safnahúsið tafðist eitthvað á leiðinni yfir hafið. Því frestast um einhverja daga að opna fastasýningar og nýjar sérsýningar. Sýningarnar verða opnaðar um leið og lyftan kemur í hús, opnanirnar verða auglýstar í Skránni.

Sérsýningarnar sem stendur til að opna eru: myndlistarsýning Didda Hall í listasal og sýningin „Þetta vilja börnin sjá“ á jarðhæð“.