|
Föstudagur, 21. desember 2012 14:38 |
Jólakveðja
Um leið og við sendum öllum vinum og velunnurum kæra jólakveðju þá minnum við á að nú hægt að skoða þrjár skemmtilegar sérsýningar í Safnahúsinu. Þetta eru sýningarnar "Aðventa á Fjöllum", "Ferðalangar á Fjöllum" og "Þetta vilja börnin sjá".
Safnahúsið er opið alla virka daga frá 10-16. Opið verður 27. og 28. desember. Tilvalið fyrir fjölskylduna að eiga samverustund í Safnahúsinu. |
|
|
Fimmtudagur, 13. desember 2012 23:39 |
Aðventa á Fjöllum & Ferðalangar á Fjöllum
| Á sýningunum eru vetrarmyndir teknar á söguslóðum Aðventu skáldsögu Gunnars Gunnarssonar. Einnig myndir af þeim nöfnum sem timburþilið í sæluhúsinu við Jökulsá geymir sem gestabók ferðalanga síðustu 120 árin |
|
|
|
Sýningarnar standa til 20. janúar 2013
Þóra Hrönn og Sigurjón verða viðstödd opnunina og flytja erindi um tilurð Aðventu, Gunnars Gunnarssonar og gerð sýningarinnar.
Allir hjartanlega velkomnir.
|
|
|
Nánar...
|
|
Þriðjudagur, 04. desember 2012 10:44 |
 Árbók Þingeyinga 2011
Árbók Þingeyinga 2011 er komin út. Að venju eru margar fróðlegar og áhugaverðar greinar í bókinni. Sjá efnisyfirlit bókarinnar í ár hér.
Árbók Þingeyinga er útbreiddasta átthagarit á Íslandi og hefur verið gefið út á hverju ári síðan 1958. Í ritinu eru birtar greinar af margvíslegum toga, sögur, ljóð og annálar. Markmið Árbókarinnar er að fræða og skemmta ungum sem öldnum. Árbók Þingeyinga er ómetanlega heimild um líf og störf fólks í Þingeyjarsýslum.
Áskrifendur fá bókina senda heim til sín í þessari viku. |
|
Föstudagur, 30. nóvember 2012 11:05 |
Krummi
Við skráningu á einkaskjalasafni Konráðs Vilhjálmssonar frá Hafralæk þá rákumst við á þetta eintak af blaðinu "Krummi". Til var sérstakt kennararfélag í Þingeyjarsýslu og tók það við útgáfu blaðsins 1912 en blaðið hafði komið út hjá öðrum útgefanda í tvö ár þar á undan. Hvert tölublað var sent út í 4 eintökum sem öll voru með sama broti.Í Krumma sögðu kennarar oft skoðanir sínar á kennslubókum og hvað kennarastéttin ætti að leggja áherslu á. t.d. íslenskukennslu í stað landafræði.
Þetta fyrsta tbl. af Krummi var ýtt úr vör með orðunum "Fljúgðu svo um, Krummi litli, og neyttu vel vængja þinna!. Þrjár greinar eru í blaðinu: Inngangsorð, Íslenzkukennska og Draumur. (E-1428/11) |
|
|
|
|
|
|
Síða 4 af 26 |
