Forsíða

Óþekktar myndir

Auglýsing
Auglýsing

Fréttir frá MMÞ

Hvaða ár er núna?
Nafn:
Netfang:
Fréttir
Miðvikudagur, 07. september 2016 10:47

Óskir íslenskra barna

Safnahúsinu á Húsavík 9. september – 20. október

Ljósmyndari er Ásta Kristjánsdóttir

Óskir íslenskra barnaLjósmyndasýningin Óskir íslenskra barna er gjöf Barnaheilla – Save the Children á Íslandi til barna á Íslandi í tilefni 25 ára afmælis Barnasáttmála Sameinuðu þjóðanna.

Inntak sýningarinnar byggir á sönnum reynslusögum barna sem hafa upplifað ofbeldi, vanrækslu, einelti eða hafa búið við fátækt. Myndirnar birta ímyndaðar óskir þessara sömu barna. Þannig er áhersla lögð á að börn sem upplifa áföll og erfiðleika þurfa að fá að eiga sér ósk og von um að líða einhvern tímann betur.

Sýningin samanstendur af ljósmyndum eftir Ástu Kristjánsdóttur, texta úr Barnasáttmála Sameinuðu þjóðanna og Steinunn Hauksdóttir sá um uppsetningu, búninga og gerð óskatrésins.  Við tréið er hægt að koma fyrir óskum barna eða hengja þær á óskatréið.  Foreldrar eru hvattir til að aðstoða börnin við að skoða sýninguna og að skrifa óskir sína á miða. Gjarnan má hvetja barnið til að óska sér einhvers sem því hugkvæmist við að skoða sýninguna.

Öll börn eiga rétt á vernd gegn ofbeldi og þau eiga rétt á að njóta umönnunar. Ef þú veist um barn sem býr við ofbeldi, vanrækslu eða verulegan skort á nauðsynjum skaltu tilkynna það til barnaverndar eða í 112.

Einnig eru upplýsingar inni á www.verndumborn.is.

Ljósmyndari myndanna á sýningunni er Ásta Kristjánsdóttir. Hún á langan feril að baki og starfar í dag sem ljósmyndari í Reykjavík. Í myndum sínum leitast Ásta gjarnan við að senda skilaboð til áhorfandans sem endurspegla sýn hennar á samfélagið.

Smellið á myndirnar til að sjá myndbönd tengd sýningunni.

Öll vinna við sýninguna var unnin í sjálfboðastarfi.

 
Þriðjudagur, 06. september 2016 11:57

Fræðslustarf

Fræðsla er einn af hornsteinum safnastarfs. Menningarmiðstöð Þingeyinga hefur það að leiðarljósi að safnkosturinn sé gestum á öllum aldri til fróðleiks, skemmtunar og örvunar. Á söfnum og sýningum Menningarmiðstöðvar Þingeyinga má finna sameign Þingeyinga í víðtækum skilningi.

Safnfræðsla 20016-2017

Nýr bæklingur um safnfræðslu hjá Menningarmiðstöð Þingeyinga er komin út. Kennarar á öllum skólastigum eru hvattir til að kynna sér fræðsludagskrá Menningarmiðstöðvar Þingeyinga og nýta sér eitthvað af því sem þar er í boði!


 
Miðvikudagur, 17. ágúst 2016 10:28

Sumarklassík í Safnahúsinu á Húsavík

Sumarklassík í Safnahúsinu á Húsavík er ný tónleikaröð sem tónlistarkonan Lára Sóley Jóhannsdóttir hefur staðið fyrir í sumar í samstarfi við Menningarmiðstöð Þingeyinga. Á síðustu tónleikum tónleikaraðarinnar þetta sumarið koma fram harmóníkuleikarinn Ásta Soffía Þorgeirsdóttir og gítarleikarinn Brynjar Friðrik Pétursson, en þau eru bæði frá Húsavík. Tónleikarnir fara fram miðvikudaginn 17. ágúst og hefjast kl. 20.00.

Ásta og Brynjar stunda um þessar mundir tónlistarnám á háskólastigi, Ásta í Noregi, en Brynjar í Reykjavík. Á tónleikunum flytja þau verk eftir tónskáldin Lohse, Tobe, Siemionow, Villa-Lobos, Tárrega, Torroba og Bach.

Brynjar Friðrik og Ásta Soffía

Ásta Soffía Þorgeirsdóttir hóf nám á harmóníku átta ára gömul við Tónlistarskóla Húsavíkur. Eftir grunnskóla fór hún til náms til Reykjavíkur þar sem hún var einn vetur í námi við Tónlistarskóla FÍH. Seinni tvo veturna stundaði hún tónlistarnám við Listaháskóla Íslands og útskrifaðist þaðan með diplómagráðu vorið 2014. Frá haustinu 2014 hefur Ásta Soffía stundað Bachelornám í klassískum harmóníkuleik við Norges musikkhøgskole undir leiðsögn Erik Bergene og Frode Haltli.

Brynjar Friðrik Pétursson hóf nám í Tónlistarskólanum á Húsavík átta ára gamall og kláraði þar miðpróf. Eftir miðprófið færði Brynjar sig um set yfir í Tónlistarskólann á Akureyri og kláraði þar framhaldspróf í klassískum gítarleik vorið 2015. Hann stundar nú nám í Listaháskóla Íslands og stefnir á að klára Bachelor gráðuna vorið 2018.

Miðaverð er kr. 2000  og er tónleikaröðin er styrkt af Uppbyggingasjóði Norðurlands Eystra og Norðurþingi.

 
Föstudagur, 12. ágúst 2016 12:04

„Húsavík“

Húsavík„Húsavík“ er yfirskriftin á einkasýningu Julie Lænkholm sem opnar á Safnahúsinu á Húsavík þann 13. ágúst og stendur til til 15. október. Sýningin byggir á rannsókn Julie á eigin fjölskyldusögu en Julie er afkomandi Þórðar Guðjohnsen sem opnaði verslun á Húsavík árið 1871 og rak um langt skeið áður en hann fluttist með fjölskyldu sinni til Danmerkur og byggði sér þar hús sem hann nefndi "Husavik". Á sýningunni sýnir Julie röð verka úr ull sem hún hefur litað með jurtum sem hún hefur tínt í nágrenni húsavíkur, þæft og fest á gamlar dýnur. Sýningin opnar með röð viðburða sem hefjast kl. 10 á reitnum milli Samkomuhússins og Ösku. Meðlimir í Kvenfélagi Húsavíkur, Leikfélagi Húsavíkur og Kirkjukór Húsavíkur annast flutning dagskrár ásamt hópi húsvískra barna. Klukkan 15:30 verður gestum boðið að ganga yfir í Safnahúsið og njóta verkanna sem þar eru staðsett á efstu hæð.

 

 

 

 

Dagskráin verður sem hér segir:

Öskjureitur

10:00-18:00 Húsvísk börn búa til „merkingarstafla“ (meaning pile). Öllum börnum er velkomið að taka þátt í þessu verkefni!

14:00 Kirkjukór Húsavíkur syngur lag Péturs Guðjohnsen „Andvaken“ með nýjum texta eftir Julie Lænkholm.

14:30 Kvenfélag Húsavíkur flytur lagið „Án titils 2016“.

14:00-15:00 Meðlimir í Leikfélagi Húsavíkur birtast einhvern tímann á þessu bili!

Safnahús

15:30 Athöfn á efstu hæð Safnahússins. Boðið verður upp á kaffi og súkkulaði.

 
«FyrstaFyrri12345678910NæstaSíðasta»

Síða 8 af 55
 
Auglýsing
Auglýsing
Auglýsing
Auglýsing
Auglýsing