Heildarútgáfa á Boðbera K.Þ.

Nýlega barst Héraðsskjalasafni Þingeyinga heildarútgáfa á Boðbera K.Þ. Útgáfa blaðsins hófst 1933 og var tilgangur þess að bera boð frá stofnuninni til félagsmannana. Strax í upphafi birtust auglýsingar í blaðinu og á meðfylgjandi mynd má t.d. sjá auglýsingar um hljómplötur og kýr.

Ný greiningarsýning á ljósmyndum úr ljósmyndasafni Sigurðar Péturs Björnssonar

Ný greiningarsýning á ljósmyndum Silla er nú komin á vef Menningarmiðstöðvarinnar. Á sýningunni eru 117 ljósmyndir sem Silli tók á tímabilinu 1940-1980.

Hægt er að skoða hana með því að velja "Óþekktar ljósmyndir" hér til hliðar og síðan "Greiningarsýningar" eða með því að smella á meðfylgjandi ljósmynd.

Ný greiningarsýning úr ljósmyndasafni Silla, bókamarkaður og Hemminn, gleðigjafi.

Sumardaginn fyrsta verður opnaður bókamarkaður á jarðhæð og ný greiningarsýning á ljósmyndum á  3. hæð. Myndirnar á sýningunni og bækurnar á markaðnum eru hvoru tveggja hluti af rausnarlegri gjöf Silla til Safnahússins.  Mikill fjöldi bóka verður á markaðnum, sagnfræði, ættfræði, skáldsögur, ljóð og margt fleira.

Skyldu þessir menn hafa verið að fara með sokka í viðgerð?

Sýning Gerðu á „Hemmanum“  stendur til sunnudagsins 28. apríl.

Markaðurinn og sýningarnar verða opnar sumardaginn fyrsta kl. 13-16, föstudaginn 26.  apríl kl. 10-18 og helgina 27.-28. apríl kl. 13-16.
Frítt verður inn á fastasýningar í Safnahúsinu sumardaginn fyrsta og um helgina.