Forsíða Forsíða Sýningar framundan
Á döfinni
Þriðjudagur, 06. desember 2011 16:09

Þetta vilja börnin sjá!

 Sýning á myndskreytingum í íslenskum barnabókum 2010 verður opnuð í Safnahúsinu þann 8. desember kl. 10:00. Sýningin er staðsett á jarðhæðinni.

Sófus og svínið

Þetta vilja börnin sjá! er sýning á myndskreytingum úr íslenskum barnabókum sem komu út árið 2010. Markmið sýningarinnar er að beina athyglinni að gildi myndskreytinga í barnabókum. Þátttakendur kepptu jafnframt um íslensku myndskreytiverðlaunin sem kennd eru við Dimmalimm. Verðlaununum er ætlað að hvetja bæði útgefendur og höfunda texta og mynda til frekari dáða. Dómnefnd valdi eina bók og voru úrslitin kunngerð í Gerðubergi við opnun sýningarinnar, 23. janúar sl.

Þátttakendur í sýningunni í ár eru:
Adrian Sölvi Ingimundarson, Agnieszka Nowak, Anna Cynthia Leplar, Auður Ösp Guðmundsdóttir og Embla Vigfúsdóttir, Áslaug Jónsdóttir, Björk Bjarkadóttir, Brad D. Nault,  Brynhildur Jenný Bjarnadóttir, Cassandra Canady, Elísabet Brynhildardóttir, Emily Weber, Erla Sigurðardóttir, Freydís Kristjánsdóttir, Guðrún Kristín Magnúsdóttir, Gunnar Júlíusson, Halldór Á Elvarsson, Halldór Baldursson, Hjalti Bjarnason, Inga María Brynjarsdóttir, Josefina Margareta Morell, Karl Jóhann Jónsson, Kristín Arngrímsdóttir, Kristín María Ingimarsdóttir, Matias Festa, Sigríður Ásdís Jónsdóttir, Sigrún Eldjárn, Sirrý Margrét Lárusdóttir, Þórarinn M. Baldursson, Þórey Mjallhvít H. Ómarsdóttir.

 

Dimmalimm 2010

 

 
Þriðjudagur, 06. desember 2011 09:39

Sigurður Pálsson les úr bók sinni Bernskubók
Í Safnahúsinu fimmtudaginn 8. des kl. 20:00

Bernskubók byggir Sigurður Pálsson á bernskuárum sínum í Norður-Þingeyjarsýslu en þar bjó hann frá fæðingu til fjórtán ára aldurs þegar hann hóf hefðbundið skólanám í landsprófsdeild Hagaskólans.

Í Bernskubók teflir Sigurður fram lifandi fortíðarmyndum sem hafa mótað hann sem einstakling frá frumbernsku, lýsir því hvernig skilningarvitin vakna, hvernig barnið nemur og skynjar umhverfi sitt, fjölskyldu og sveitunga, náttúruna, tungumálið; hvernig dýr og menn og almættið sjálft leika hlutverk sín á leiksviði barnsins.

Einnig verður lesið úr bókinni Nú kveð ég þig Slétta. Í henni er að finna vísur Sigurðar Árnasonar og viðtal við hann. Bókin er eins konar óður til Melrakkasléttu, byggðarinnar við nyrsta haf.

BernskubókUpplesturinn verður einnig á eftirtöldum stöðum:
Kaffi ljósfang, Raufarhöfn,  föstud. 9. des kl. 17:00.
Svalbarðsskóli, Þistilfirði,  föstud. 9. des kl. 21:00.
Byggðasafn N-Þingeyinga Snartarstöðum laugard. 10 des. kl. 11:00.

Á upplestrunum verður hægt að kaupa bókina Bernskubók og fá hana áritaða af höfundi.

 

Menningarráð Eyþings

 
Miðvikudagur, 24. ágúst 2011 14:20

Þann 2. september næstkomandi verður opnuð sýningin "Að kvöldi réttardags" í Safnahúsinu á Húsavík. Sýningin er 32. sýning í 50 sýninga röð á verkum Aðalheiðar S. Eysteinsdóttur.

 

Kindur

Nánar...
 
Þriðjudagur, 09. ágúst 2011 08:37

Þriðjudaginn 16.ágúst kl. 20:00 mun Þorsteinn frá Hamri lesa eigin ljóð og Laufey Sigurðardóttir fiðluleikari flytja partitu í h-moll eftir J.S. Bach í Safnahúsinu.

Laufey Sigurðardóttir fiðluleikari  Þorsteinn frá Hamri

Dagskráin er um klukkustundar löng.  Sala aðgöngumiða fer fram við innganginn.

 
Mánudagur, 04. júlí 2011 09:35

Föstudaginn 8. júlí verður opnuð sýning á ljósmyndum Bárðar Sigurðssonar í listasalnum á efstu hæð Safnahússins.

Bárður Sigurðsson var ljósmyndari í Mývatnssveit í byrjun 20.aldar og Þingeyjarsýslur urðu aðalstarfsvettvangur hans í ljósmyndun enda þótt hann myndaði víðar um land. Bárður skapaði í ljósmyndum sínum þingeyskan sjónarheim og myndir hans opna okkur einstæða sýn inn í íslenskt bændasamfélag og þjóðmenningu.

 

Bárður sérhæfði sig í gerð stereoskópmynda og var einn mikilvirtasti framleiðandi slíkra mynda hérlendis.

 
«FyrstaFyrri12345678910NæstaSíðasta»

Síða 10 af 12
 
Auglýsing
Auglýsing
Auglýsing
Auglýsing
Auglýsing