Forsíða Forsíða Sýningar framundan
Á döfinni
Fimmtudagur, 15. nóvember 2012 11:34

Stofnfundur

 
Mánudagur, 22. október 2012 08:48

Vetrardagskrá 2012-2013

Október

28. október

14:00 Mannlíf og náttúra - 100 ár í Þingeyjarsýslum, grunnsýning í Safnahúsinu hlaut  íslensku safnaverðlaunin 2012. Sigrún Kristjánsdóttir fyrrv. forstöðumaður Menningarmiðstöðvar Þingeyinga flytur erindi um gerð sýningarinnar og hugmyndafræðina sem hún byggir á.

15:00 Til gagns og fegurðar. Með sýningunni og í samnefndri bók, kynnir Æsa Sigurjónsdóttir listfræðingur og sýningarhöfundur, rannsóknir sínar á útliti og klæðaburði Íslendinga í ljósmyndum frá 1860 til 1960.

 

Nóvember

21. nóvember

20:30 Stofnfundur Félags áhugamanna um gömul hús í Þingeyjarsýslum. Erindi: Arnhildur Pálmadóttir Húsakönnun á Húsavík, Snorri G. Sigurðsson héraðsskjalavörður Húsaskrá fyrir Þingeyjarsýslur.

25. nóvember

11:00 Opnun sýningarinnar Þetta vilja börnin sjá. Á sýningunni gefur að líta myndskreytingar úr íslenskum barnabókum sem gefnar voru út 2011. Menningarmiðstöðin Gerðuberg setur sýninguna upp í tengslum við afhendingu á verðlaunum fyrir best myndskreyttu barnabók ársins. Dagskrá fyrir alla fjölskylduna.

 

 

Desember

Dagskrá jólamánaðar verður auglýst síðar.

 

Janúar

6. janúar

Aðventa á Fjöllum sýningaropnun. Ljósmyndir Sigurjóns Péturssonar sækja innblástur sinn í bók Gunnars Gunnarssonar Aðventu um ævintýri Fjalla-Bensa. Myndirnar á sýningunni eru afrakstur níu vetrarferða veturinn 2010-2011 um sögusvið Aðventu á Mývatnsöræfum, en það markast af Mývatni í vestri, Dettifossi í norðri, Jökulsá á Fjöllum í austri og Grafarlöndum í suðri. Ljósmyndir Sigurjóns hafa allar tilvísun í hina ódauðlegu skáldsögu Gunnars Gunnarssonar, Aðventu, sem fyrst kom út á þýsku árið 1936. Hverri mynd fylgir tilvitnun úr Aðventu. Sigurjón Pétursson er áhugaljósmyndari og hefur ásamt eiginkonu sinni Þóru Hrönn Njálsdóttur, sem einnig er áhugaljósmyndari, ljósmyndað vítt og breitt um Ísland og sem, og víða um heim. (texti af heimasíðu Þjóðminjasafns Íslands). Sigurjón Pétursson flytur erindi við opnunina.

27. janúar

Geymsludagur, opnar muna- og skjalageymslur í Safnahúsinu. Forstöðumaður og héraðsskjalavörður taka á móti gestum og kynna safnkost, aðstöðu og vinnubrögð við pökkun og geymslu muna.

 

 

Febrúar

24. febrúar

Þjóðfræði, torfbæjarlíf, áramótaskaup og allt þar á milli. Þjóðfræðingar og þjóðfræðinemar kynna viðfangsefni þjóðfræðinnar í stuttum erindum.

 

Mars

24. mars

Ef húsagrunnar og veggjabrot gætu talað. Sif Jóhannesdóttir flytur erindi um eyðiþorpið Skálar á Langanesi.

Apríl

25. apríl

Fjölskyldudagskrá í tilefni af sumardeginum fyrsta.

28. apríl

Úr skjalasafni, erindi Héraðsskjalavarðar um áhugaverðar heimildir í skjalasafni.

 
Föstudagur, 19. október 2012 15:19

Mannlíf og náttúra - 100 ár í Þingeyjarsýslum

Grunnsýning í Safnahúsinu hlaut íslensku safnaverðlaunin 2012. Þann 28. október 2012 mun Sigrún Kristjánsdóttir fyrrv. forstöðumaður Menningarmiðstöðvar Þingeyinga flytja erindi um gerð sýningarinnar og hugmyndafræðina sem hún byggir á.

 

 

Í umsögn valnefndar segir m.a.:
Uppsetning sýningarinnar er þaulhugsuð og aðlaðandi. Sýningarrýmið er haganlega nýtt þannig að sýningargripir og textar vekja forvitni gesta. Sérkennum svæðisins og náttúrunýtingu eru gerð góð skil og á textaspjöldum eru frásagnir heimafólks sem gefa trúverðuga mynd og bregða ljósi á sögu svæðisins á tímabilinu 1850-1950. Að baki sýningarinnar liggur hugmyndavinna hóps einstaklinga sem koma úr ýmsum áttum og leggja til verkefnisins reynslu á sviði ólíkra fræðigreina, lista og hönnunar. Sú vinna skilaði sér í fjölbreyttri og ferskri nálgun og fleiri sjónarhornum en oft sjást í sýningum af þessum toga.
Það er mat dómnefndar að með sýningunni Mannlíf og náttúra – 100 ár í Þingeyjarsýslum sé sleginn nýr og hressilegur tónn í sýningargerð safna. Um leið og hefðbundnir rammar hafa verið víkkaðir út þá byggir sýningin á traustum grunni sem hefur myndast fyrir tilstuðlan ötuls söfnunarstarfs í rúm sextíu ár.

 
Föstudagur, 19. október 2012 14:37

Til gagns og fegurðar

Sunnudaginn 28. október verður sýningin "Til gagns og fegurðar" opnuð á efstu hæð Safnahússins. Með sýningunni og í samnefndri bók, kynnir Æsa Sigurjónsdóttir listfræðingur og sýningarhöfundur, rannsóknir sínar á útliti og klæðaburði Íslendinga í ljósmyndum frá 1860 til 1960.


Flestir geta verið sammála um að ljósmyndir geri tímann nánast áþreifanlegan. Ljósmyndir hafa þó ekki einungis heimildargildi um tökutímann og það sem var, heldur búa þær yfir fagurfræðilegum eiginleikum og ríkulegu táknmáli. Þær móta hugmyndir okkar um hið liðna, og sýna afstöðu okkar til tímans og sögunnar, jafnframt því að vera áhrifamikill miðill til ímyndarsköpunar. Tíminn hefur mikil áhrif á það hvernig við horfum á ljósmyndir, upplifum þær og skiljum, þær vekja spurningar um samband Íslendinga við táknheim sinn fyrr og nú.

Hvernig er hægt að nota ljósmyndir til að setja saman mynd af fortíðinni og jafnvel nálgast hana á nýjan hátt? Geta myndir hjálpað okkur við að gera söguna sýnilega? Á sýningunni er bent á hvernig Íslendingar hafa notað ljósmyndir, þjóðbúninga og tísku til að búa til mynd af sér. Ljósmyndirnar á sýningunni eru vísbending um hvernig Íslendingar litu út og sýna hvernig þá langaði til að vera. Æsa Sigurjónsdóttir, listfræðingur og höfundur sýningarinnar hefur rannsakað sögu ljósmyndunar og menningarlegt og félagslegt hlutverk ljósmynda á Íslandi í fortíð og nútíð. (texti af heimasíðu Þjóðminjasafns Íslands)

Sýningin er ein af farandssýningum Þjóðminjasafns Íslands.


 
Miðvikudagur, 22. ágúst 2012 12:14

The love of Iceland in Ameríka - Íslendingar í Ameríku

Myndina tók Linda Ásdísardóttir á fyrirlestri Sunnu á Eyrarbakka.Föstudaginn 24. ágúst kl. 17:00 mun Sunna Pam Furstenau halda fyrirlestur í Safnahúsinu á Húsavík. Sunna Pam er fulltrúi Þjóðræknifélags íslendinga í Ameríku og starfar að rannsóknum á landnámi og sögu íslendinga í vesturheimi. Hún er á fyrirlestrarferðalagi um Ísland og flytur erindið á 12 stöðum. Fyrirlesturinn byggir á myndasýningu með 400 myndum sem Sunna Pam gæðir lífi með tengdum frásögnum.

Allir velkomnir, enginn aðgangseyrir.

 
«FyrstaFyrri12345678910NæstaSíðasta»

Síða 6 af 11
 
Auglýsing
Auglýsing
Auglýsing
Auglýsing
Auglýsing