Forsíða Forsíða Sýningar framundan
Á döfinni
Sunnudagur, 01. febrúar 2015 00:00

Svipmyndir eins augnabliks

Ljósmyndir Þorsteins Jósepssonar

Ljósmyndasafn Þorsteins JósepssonarÍ febrúar verður opnuð sýning á ljósmyndum Þorsteins Jósepssonar. Safn Þorsteins (1907-1967) er eitt stærsta, merkasta og heildstæðasta einkasafn frá síðustu öld sem varðveitt er í Ljósmyndasafni Íslands í Þjóðminjasafni. Sýningin er farandsýning frá Þjóðminjasafni Íslands.

 
Miðvikudagur, 22. október 2014 13:45

Sýning safnaranna


Sýningaropnun í Safnahúsinu sunnudaginn 26. október klukkan 14:00

Sýning á tíu einkasöfnum, hvert öðru skemmtilegra.

Sýning sem gleður augað og kitlar safnarann, flokkarann og raðarann í okkur öllum.

Eitthvað fyrir alla: þingeyskir bílar, kók munasafn, bjórmiðar, pennar, spil, seðlar, mynt , sumarkort, kveikjarar og peningaveski.

 

Kók munasafn Kveikjarasafn Pennasafn

 

Sýningin stendur frá 26. okt.-23. nóv.

Opnunardaginn verður opið frá 14-17, heitt á könnunni, allir hjartanlega velkomnir

Athugið að frítt er inn á sérsýningar í Safnahúsinu.

 
Föstudagur, 15. ágúst 2014 10:29

Safnakvöld í Þingeyjarsýslum

 

Safnakvöld í Þingeyjarsýslum

 
Miðvikudagur, 23. júlí 2014 08:45

Dagskrá á Mærudögum 2014

Safnahúsið á Húsavík

Sjóminjasafn – byggðasafn – safnbúð – leikherbergi - kaffihorn.

Sérsýningar:

  • Aldar afmælissýning HSÞ HSÞ

Síðustu sýningardagar

 

 

 

 

 

  • Hughrif Hughrif

Ljósmyndasýning Halldóru Kristínar Bjarnadóttur

 

 

 

  • „Snertið ekki jörðina – leikir 10 ára barna“ Ekki snerta jörðina

Farandsýning frá Þjóðminjasafni Íslands

 

 

 

  • „Sveitin mín Laxárdalur“ Sveitin mín Laxárdalur

Skyggnimyndasýning Sigurðar Péturs Björnssonar (Silla) þar sem hann fjallar um Laxárdal fram til ársins 1994.

 

 

Enginn aðgangseyrir að sérsýningum.

Opið alla daga 10-18

 


 

 

Þverá í Laxárdal

Gamli bærinn á Þverá  verður opinn almenningi, 25. og 26. júlí frá 13-17.Þverá í Laxárdal

Þverárbærinn er hluti af húsasafni Þjóðminjasafns Íslands. Bærinn var reistur á seinni hluta nítjándu aldar. Þar er margt hugvitsamlega gert, t.d. er lækur leiddur gegnum brunnhús innst í bænum svo að að heppileg kæling fengist til geymslu á matvælum.

 

 

 

 


Byggðasafn Norður-Þingeyinga á Snartarstöðum

Fallegt safn með sérstakri áherslu á handverk.

Safnkaffi – barnahorn

Opið 13-17 alla daga

 

 

 

 

 


 

 

 

Byggðasafn Suður-Þingeyinga á Grenjaðarstað

Upplifðu gamla bændasamfélagið í einstökum torfbæ.

Heitt á könnunni

Opið alla daga 10-18

 
Miðvikudagur, 23. apríl 2014 13:07

Sumri fagnað í Safnahúsinu

Sumardagurinn fyrsti var lengi einn helsti hátíðisdagur Íslendinga, sá sem kom næst jólunum. Eftirfarandi segir Jónas frá Hrafnagili um daginn í Íslenzkum þjóðháttum:

En venja hefur það verið a.m.k. hér nyrðra, að fólk ætti frí þann dag. Þá var vant að lesa, undir eins og komið var á fætur, en síðan var skammtað ríflega af öllu því besta sem búið átti til, hangiket, magálar, sperðlar, pottbrauð, flot, smér og önnur gæði.....Í stað þess að aðrar þjóðir hafa jólagjafir og nýársgjafir, hafa sumargjafirnar einar verið hér þjóðlegar um langan aldur og eru enn í dag.

Dagurinn er upphafsdagur hörpu sem er fyrstur af sumarmánuðunum sex samkvæmt gamla norræna tímatalinu. Samkvæmt þjóðtrúnni er það fyrir góðu sumri ef vetur og sumar frýs saman, þ.e. ef hitastig fer niður fyrir frostmark aðfaranótt sumardagsins fyrsta. Hann gekk einnig undir nafninu yngismeyjadagur, en yngissveinadagur er fyrsti dagur einmánaðar.

Haldið verður upp á þennan forna hátíðisdag í Safnahúsinu á Húsavík. Þar verða opnaðar tvær nýjar sýningar, „Sumar við andapollinn“ og „Ekki snerta jörðina“.

 

Sumar við andapollinn

Málað á glerið
Sumar við andapollinn Málað á glugga safnsins

 

„Sumar við andapollinn“ er sýning unnin af börnum á deildunum Fossi og Vilpu á Grænuvöllum. Sýningin hefur verið í vinnslu hjá þeim í nokkurn tíma, viðfangsefni sýningarinnar er Búðaráin og endurnar þar.Listamennirnir sem eru 1-2 ára byrjuðu vinnuna á því að kynnast viðfangsefninu, gefa öndunum brauð og skoða lífið við ánna. Síðan voru unnin margvísleg listaverk í leikskólanum, endur og tré af ýmsum stærðum og gerðum. Undanfarnar vikur hafa þau komið í Safnahúsið og fært ánna og umhverfi hennar inn í húsið. Það hafa þau gert með því að mála stóra glugga á jarðhæð. Þangað eru endurnar og tréin komin og saman myndar þetta einstakan andapoll innan dyra, svo lifandi að nánast má heyra endurnar kvaka.

 

Ekki snerta jörðinna
Ekki snerta jörðinna

„Snertið ekki jörðina – leikir 10 ára barna“ er ein af farandsýningum Þjóðminjasafns Íslands. Haustið 2009 gerðu 8 söfn rannsókn á leikjum 10 ára barna á Íslandi. Rætt var við hátt í 200 börn um leiki og áhugamál þeirra. Niðurstöður rannsóknarinnar má  sjá á þessari farandsýningu en einnig á vef sýningarinnar http://www.thjodminjasafn.is/ekki-snerta-jordina/ . Á sýningunni eru kassar þar sem vinsælustu leikjunum eru gerð skil og einnig má sjá ljósmyndir og myndskeið af börnunum og skólaumhverfinu. Kraftur, og fjölbreytni einkenna leikina, en fótboltinn var þó alls staðar mjög vinsæll.

 

Þessar sýningar eru báðar á jarðhæð, í sýningarrými framan við bókasafn. Sýningin „Snertið ekki jörðina – leikir 10 ára barna“ stendur til ágústloka, en síðasti sýningardagur„Sumar við andapollinn“ verður 9. maí, þá verður sýningin færð yfir á Grænuvelli og verður hluti af vorsýningunni þar. Nemendur frá Tónlistarskóla Norðurþings flytja tónlistaratriði á opnuninni.

Sumardagurinn fyrsti er síðasti sýningardagur myndlistarsýningar Kára Sigurðssonar„Sjáið húsin, þau eru horfin“.

Nýju sýningarnar verða opnaðar klukkan eitt, húsið verður opið frá kl. 13-16, en sýning Kára er opin til kl. 18. Að venju er frítt inn á allar sérsýningar, en í tilefni dagsins verður einnig frítt inn á fastasýningarnar, Mannlíf og náttúra – 100 ár í Þingeyjarsýslum og Sjóminjasafn.

 
«FyrstaFyrri12345678910NæstaSíðasta»

Síða 3 af 11
 
Auglýsing
Auglýsing
Auglýsing
Auglýsing
Auglýsing