Forsíða Héraðsskjalasafn
Fréttir
Persónuverndarstefna Héraðsskjalasafns Þingeyinga
Föstudagur, 31. ágúst 2018 15:14

Persónuverndarstefna Héraðsskjalasafns Þingeyinga

Þessi persónuverndarstefna er sett skv. 2. mgr. 24. gr. laga um persónuvernd og meðferð persónuupplýsinga nr. 90/2018. Héraðskjalasafnið starfar samkvæmt lögum um opinber skjalasöfn nr. 77/2014, reglugerð nr. 283/1994. Þjóðskjalasafn Íslands fer með eftirlit með starfseminni. Um aðgengi að skjölum fer skv. lögum, einkum  lögum um opinber skjalasöfn nr. 77/2014, upplýsingalögum nr. 140/2012 og lög um persónuvernd og vinnslu persónuupplýsinga nr. 90/2018.

Persónuverndarstefna þessi lýsir vinnslu héraðsskjalasafnsins á persónuupplýsingum. Héraðsskjalasafnið mun leitast við að veita þeim einstaklingum sem hafa persónuupplýsingar, í þeirra vörslu, nánari fræðslu um þá vinnslu eftir því sem við á. Héraðsskjalasafnið er sjálfstætt opinbert skjalasafn að lögum og setur sér sína eigin persónuverndarstefnu. Stefnan gildir um alla vinnslu persónuupplýsinga héraðsskjalasafnsins.

Persónuverndarstefna Héraðsskjalasafns Þingeyinga

 
Verkefnastyrkir frá Þjóðskjalasafni Íslands
Föstudagur, 27. apríl 2018 14:53

Verkefnastyrkir frá Þjóðskjalasafni Íslands

Í byrjun mánaðar fékk Héraðsskjalasafn Þingeyinga úthlutað tveimur styrkjum frá Þjóðskjalasafni Íslands.

 

 

1.200.000 króna styrkur til verkefnisins Ljósmyndun á elstu gjörðabókum hreppa.

Þetta verkefni hófst á síðasta ári er 36 gjörðabækur voru ljósmyndaðar og birtar á skjalavef héraðsskjalasafnsins. Með þessum styrk verður hægt að halda áfram með verkefnið og taka næstu 36 bækur og birta þær með sama hætti á vefnum.

800.000 króna styrkur til verkefnisins Skönnun á sveitablöðum, tímabilið 1875-1959.

Héraðsskjalasafn Þingeyinga varðveitir yfir 65 mismunandi tegundir af sveitablöðum með um 700 tölublöðum. Útgáfa þessara sveitablaða spannar tímabilið 1875-1959. Flest þessara sveitarblaða eru handskrifuð en þau síðustu eru vélrituð. Með sveitarblöðum er átt við handskrifuð blöð sem innihéldu fjölbreytt efni sem ætlað var til almennrar birtingar og var látið berast manna á meðal eða var lesið upp á almennum fundum. Í þessum blöðum létu menn í ljós hugmyndir sínar um menn og málefni og ýmsum framfaramálum var fyrst hreyft þar. Oft urðu þar skemmtileg orðaskipti bæði í ljóðum og lausu máli. Sveitarblöðin byggðu einnig tilveru sína beinlínis á samfélaginu sem þau komu út í. Þau þrifust á persónulegum tengslum og almennri þátttöku viðtakenda sinna. Alls verða 335 sveitablöð ljósmynduð og birt á skjalavef héraðsskjalasafnsins á þessu ári.

 
Þingeyskar gjörðabækur á veraldarvefnum.
Föstudagur, 01. desember 2017 00:00

Þingeyskar gjörðabækur á veraldarvefnum

Á vormánuðum 2017 hlaut Héraðsskjalasafn Þingeyinga styrk frá Þjóðskjalasafni Íslands til að ljósmynda elstu gjörðabækur hreppa á starfssvæði sínu. Einnig hlaut Héraðsskjalasafn Þingeyinga ásamt Héraðsskjalasafninu á Akureyri og Héraðsskjalasafni Árnesinga styrk til að miðla skjölum á veraldarvefnum.

Síðustu mánuði hefur verið unnið við að afrita gjörðabækurnar. Héraðsskjalavörður stýrði verkinu en um ljósmyndun sá Sigurður Narfi Rúnarsson. Samtals voru 35 gjörðabækur afritaðar frá 13 hreppum í Þingeyjarsýslu, samtals tæplega 12 þúsund blaðsíður. Samhliða var unnið að þróun vefsíðu til að miðla skjölunum.

Skjalavefur Héraðsskjalasafns Þingeyinga

- Smelltu á myndina til að opna skjalavefinn -

Í dag er opnaður nýr vefur á vefsetri Menningarmiðstöðvar Þingeyinga sem er sérstaklega ætlaður til að birta skjöl. Á sama tíma birta Héraðsskjalasafn Árnesinga og Héraðsskjalasafnið á Akureyri sínar gjörðabækur á sama hátt. Í hreppabækur er skráð afar áhugaverð saga byggðanna, þær eru meðal þeirra gagna sem notendur skjalasafna hafa mestan áhuga á að skoða. Þar má finna upplýsingar um þróun byggðar, búsetu, kaup og sölu jarða og svo mætti lengi telja. Með þessu verkefni er stígið mikilvægt skref í þá átt að safnkostur héraðsskjalasafna verði aðgengilegur á þennan hátt. Þá geta fræðimenn, stjórnsýslan og almenningur skoðað og rannsakað gögn óháð búsetu og opnunartíma safnanna.

 
Skjalavistunaráætlun fyrir grunnskóla Norðurþings
Miðvikudagur, 31. maí 2017 15:07

Ný skjalavistunaráætlun fyrir grunnskóla Norðurþings.

NorðurþingÁ síðustu mánuðum hefur verið gert átak í því að koma skjalamálum grunnskóla Norðurþings í gott horf. Í dag 31. maí 2017 var stórum áfanga náð þegar ný skjalavistunaráætlun fyrir grunnskóla Norðurþings var samþykktur af héraðsskjalasafni Þingeyinga. Skjalavistunaráætlunin tekur gildi 1. júní 2017 og til næstu fimm ára. Á sama tíma var nýr málalykill og handbók um skjalavörslu fyrir grunnskólana tekin í notkun.

Skjalavistunaráætlun er grundvallarverkfæri í skjalasafni skjalamyndara og í henni eru upplýsingar um myndun, varðveislu og aðgengi allra skjalaflokka sem verða til við starfsemi hans. Í skjalavistunaráætlun fæst yfirlit yfir ákvarðanir sem hafa verið teknar um hvern skjalaflokk, þau skjöl sem mynda hann og um meðferð og frágang skjalanna. Skjalavistunaráætlun er því niðurstöðuplagg um myndun, aðgengi og varðveislu allra skjalaflokka sem verða til við starfsemi skjalamyndara.

 
Héraðskjalasafn Þingeyinga hlýtur styrki
Föstudagur, 21. apríl 2017 15:11

Héraðskjalasafn Þingeyinga hlýtur styrki til skönnunar- og miðlunar á hreppsbókum.

Síðastliðin tvö ár hefur Þjóðskjalasafn Íslands úthlutað til héraðsskjalasafna verkefnastyrkjum til skönnunar og miðlunar valdra skjalaflokka. Markmið verkefnastyrkjanna er að stuðla að skönnun og miðlun heimilda á héraðsskjalasöfnum. Árið 2017 eru 15.600.000 kr. til úthlutunar. Alls bárust Þjóðskjalasafninu 14 umsóknir að upphæð 25.393.652 kr. Samþykktir voru styrkir til 9 verkefna að upphæð 15.600.000.

 

Þjóðskjalasafn Íslands

 

Héraðsskjalasafn Þingeyinga sótti um styrk til að skanna sveitablöð árið 2016 en fékk ekki úthlutað. Í ár sótti safnið um aftur um styrk vegna sveitablaðanna auk þess að það sótti um tvo aðra styrki. Héraðsskjalasafnið hlaut styrki í eftirfarandi verkefni:

  • 1,3 milljónir til að ljósmynda og miðla elstu gjörðabókum sveitarstjórna á starfssvæði sínu og kaup á búnaði til þess. Miðað er við að ljósmynda gjörðabækur frá því fyrir 1930. Alls verða 35 bækur frá 13 hreppum ljósmyndaðar og birtar á vefsíðu safnsins.

 

  • Safnið sótti sameiginlega um styrk með Héraðsskjalasafni Árnesinga og Héraðsskjalasafninu á Akureyri  til þróunar á  vefviðmóti til að miðla skjölum á vefnum. Styrk að upphæð 2,5 milljónir var úthlutað í þetta verkefni.

Ekki fékkst styrkur vegna sveitablaðanna. Verklok þessara verkefna eru áætluð í febrúar 2018.

 
«FyrstaFyrri12345NæstaSíðasta»

Síða 1 af 5
 
Auglýsing
Auglýsing
Auglýsing
Auglýsing
Auglýsing
merki_125-125