Forsíða MMÞ
Menningarmiðstöð Þingeyinga
Miðvikudagur, 28. apríl 2010 12:46

Héraðsnefnd Þingeyinga samþykkti formlega á fundi 4. desember 2006 að stofnsett yrði „Menningarmiðstöð Þingeyinga“ Sjálfseignarstofnun á vegum sveitarfélaganna sem yfirtæki eignir og þann rekstur sem fallið hafði undir  Safnahúsið á Húsavík og  Byggðasafn N-Þingeyinga á Snartarstöðum.


14. maí 2007 var ritaðu undir stofnskrá Menningarmiðstöðvar Þingeyinga á fundir Héraðsnefndar Þingeyinga í Reynihlíð. Aðalfundur Héraðsnefndar Þingeyinga var haldinn í Gljúfrastofu um miðjan júní það ár og þar var endanlega gengið frá kosningu í stjórn og varastjórn Menningarmiðstöðvar Þingeyinga.


Að loknu stjórnarkjöri hverju sinni er valin stjórn Menningarmiðstöðvarinnar og er starfstími hverrar stjórnar því 4 ár. Í Stjórn sitja 7 menn, formaður Héraðsnefndar Þingeyinga sem formaður, 3 kosnir af héraðsnefnd Þingeyinga úr hópi nefndarinnar og 3 aðrir sem ekki eiga sæti í Héraðsnefnd. Jafnmargir varamenn skulu kjörnir.


Með stofnun Menningarmiðstöðvar Þingeyinga varð til Byggðasafn Þingeyinga sem skiptist í eftirfarandi deildir: Byggðasafn Suður-Þingeyinga Grenjaðarstað, Byggaðsafn Suður-Þingeyinga Safnahúsinu á Húsavík, Byggðasafn Suður-Þingeyinga Sjóminjasafn, Byggðasafn Norður-Þingeyinga v/Snartarstaði.


Fyrsti forstöðumaður Menningarmiðstöðvar Þingeyinga var Guðni Halldórsson sem verið hafði forstöðumaður Safnahússins á Húsavík frá árinu 1992. Guðni var forstöðumaður til ársins 2008. Þá tók við Sigurjón Baldur Hafsteinsson sem var forstöðumaður 2008-2009. Sigrún Kristjánsdóttir tók við starfi forstöðumanns árið 2009 og starfaði til seinni hluta árs 2011. Sif Jóhannesdóttir tók þá við embætti forstöðumanns Menningarmiðstöðvar Þingeyinga.

 

 
 
Auglýsing
Auglýsing
Auglýsing
Auglýsing
Auglýsing