Forsíða

Starfsemi

Auglýsing

Sarpur

Auglýsing
Auglýsing

Óþekktar myndir

Auglýsing
Fréttir
Föstudagur, 28. janúar 2022 15:45

Takmarkanir í Safnahúsinu

Í Safnahúsinu á Húsavík gilda eftirfarandi takmarkanir frá 29. janúar, sem eiga jafnframt við önnur söfn á Íslandi.

  • Söfn mega taka á móti 100 manns í hverju hólfi að börnum meðtöldum.
  • Fyrir hverja 10 m² umfram 100 m²  má bæta við fimm viðskiptavinum að hámarki 500 manns. Athugið að þetta á við hefðbundna starfsemi safnsins, ekki viðburði á vegum safnsins eða annarra.
  • Eins metra fjarlægðarregla er í gildi.
  • Grímuskylda er í söfnum þar sem ekki er hægt að viðhalda eins metra fjarlægðarreglu. Grímuskylda á ekki við um börn fædd 2006 eða síðar.

Við tryggjum aðgang að handsótthreinsi fyrir almenning og starfsmenn við innganga og í grennd við yfirborð sem margir snerta s.s. snertiskjái og afgreiðslukassa.

Sinnum þrifum og sótthreinsum yfirborð sem margir snerta eins oft og unnt er.

Minnum almenning og starfsmenn  á einstaklingssóttvarnir með merkingum og skiltum.

 
Föstudagur, 28. janúar 2022 15:15

Opnunartími bókasafnsins á Húsavík

Opnunartími bókasafnsins á Húsavík

 
Fimmtudagur, 27. janúar 2022 14:10

Laxárdeilan: Morgunroði náttúruverndar á Íslandi

Menningarmiðstöð Þingeyinga vill vekja athygli á því að rétt fyrir síðustu jól var sýningin Laxárdeilan: Morgunroði náttúruverndar á Íslandi opnuð.

Sýningin fjallar um Laxárdeiluna, skýrir atburðarásina í máli og myndum og sýnir frá baráttu fyrir verndun náttúrunnar. Hún fjallar um tengsl manns og náttúru og kemur þar sjálf Laxá við sögu.

Um sýningarstjórn sá Sigurlaug Dagsdóttir og var gerð sýningarinnar styrkt af Safnasjóði. Efni var unnin upp úr safnkosti Menningarmiðstöðvar Þingeyinga.

Sýningin Laxárdeilan: Morgunroði náttúruverndar á Íslandi er staðsett á efstu hæð Safnahússins á Húsavík. Hægt er að njóta hennar á opnunartíma Safnahússins sem er virka daga frá 10 til 17 og laugardaga frá 10 til 15. Sýningin mun standa til sumarloka 2022.

Formleg sýningaropnun hefur enn ekki verið haldin sökum aðstæðna í samfélaginu, en verður auglýst síðar og þegar aðstæður leyfa.

 
Fimmtudagur, 27. janúar 2022 13:39

Solander 250: Bréf frá Íslandi og Paradise Lost – Daniel Solander‘s Legacy

15. júlí - 15. ágúst 2023 verður sýningin Solander 250: Bréf frá Íslandi til sýnis í Safnahúsinu á Húsavík. Sýningin verður sett upp til að minnast þess að 2022 eru 250 ár liðin frá einum fyrsta erlenda vísindaleiðangrinum til Íslands, 1772. Með í þeirri för var sænski náttúrufræðingurinn Daniel Solander, sem var einn af lærisveinum hins heimsþekkta sænska náttúruvísindamanns Carl von Linné. Solander og félagar skrásettu m.a. ýmislegt um náttúru Íslands, menningu, siði og klæðaburð. Á sýningunni túlka tíu íslenskir grafíklistamenn þessa atburði og þær breytingar sem hafa átt sér stað á landi og þjóð.

Á sama tíma verður sýningin Paradise Lost – Daniel Solander‘s Legacy opnuð. Þar sýna 10 listamenn frá Kyrrahafssvæðinu, en Solander var í áhöfn HMS Endeavour í fyrstu ferð Evrópumanna til Ástralíu. Sýningin hefur áður verið sett upp á Nýja-Sjálandi, í Ástralíu og Svíþjóð. Sýningarnar tvær mynda því einstakt samtal Norðurskautsins og Kyrrahafsins í gegnum ferðir Daniel Solanders. Sýningarnar tvær eru samstarfsverkefni Sendiráðs Svíþjóðar á Íslandi og félagsins Íslensk grafík.


 


Þátttakendur

Solander 250: Bréf frá Íslandi: Anna Líndal, Aðalheiður Valgeirsdóttir, Daði Guðbjörnsson, Gíslína Dögg Bjarkadóttir, Guðmundur Ármann Sigurjónsson, Iréne Jensen, Laura Valentino, Soffía Sæmundsdóttir, Valgerður Björnsdóttirog Viktor Hannesson.

Paradise Lost - Daniel Solander’s Legacy: Sharnae Beardsley Dagmar Dyck, Tabatha Forbes, John McLean, Alexis Neal, Jo Ogier, Jenna Packer, John Pusateri, Lynn Taylor og Michel Tuffery

 
«FyrstaFyrri12345678910NæstaSíðasta»

Síða 6 af 83
 
Auglýsing
Auglýsing
Auglýsing
Auglýsing